Jarrai gaitzazu:

Euskara   |   Español   |   English   |   Français

Inicio
Menua

Biografia Willem de Kooning

Ikus Bildumaren lanak

Rotterdam, 1904 | East Hampton, New York, 1997

1904
Apirilaren 24an jaio zen Rotterdamen.
1916
Eskola utzi zuen artisautza- eta dekorazio-enpresa batean aprendiz hasteko.
1917
Rotterdam Academie voor Beldende Kunsten-eko arte eder eta artisautza eskoletara joaten hasi zen Rotterdam-eko Technische Wetenschappe-n, 1925 arte.
1926
AEBra lekualdatu zen. Urtebetez Hoboken-en bizi izan zen (New Jersey) eta, bertan, etxe-margolari jardun zuen.
1927
New Yorkera lekualdatu zen eta, bertan, hurrengo urteetan, beste artista batzuekin hasi zen harremanetan, adibidez, Stuart Davis, Arshile Gorky eta John Grahamekin.
1934
Artist's Union-en sartu zen.
1935
Federal Art Project-en WPArako (Works Progress Administration) horma-irudiak egiteko lanean hasi zen. Harold Rosenberg kritikaria ezagutu zuen. New Horizons in American Art erakustaldian parte hartu zuen Museum of Modern Art-en (MoMA), New York.
1940
Ballets Russes de Monte Carlo konpainiak New Yorkeko Metropolitan Opera Hous-en antzeztutako Les nuages balletaren dekoratua eta jantziak egin zituen.
1942
American and French Painters erakusketan parte hartu zuen Macmillan Inc-en (New York). Jackson Pollock eta Marcel Duchamp ezagutu zituen.
1946
Zuri-beltzeko abstrakzio-sail batean hasi zen lanean.
1948
New Yorkeko Charles Egan Gallery-n bere lehenengo bakarkako erakusketa egin zuen. Udan eskolak eman zituen Black Mountain College-n, Asheville-tik hurbil (Ipar Carolina).
1950
Veneziako XXV Biennale di Venezia parte hartu zuen eta, bertan, Excavation aurkeztu.
1951
What Abstract Art Means to Me saiakera idatzi zuen.
Excavation lanak Art Institute of Chicago-ren Logan Purchase saria eskuratu zion.
1953
Bakarka erakutsi zituen lanak New Yorkeko Sidney Janis Gallery-n.
1954
Veneziako XXVII Biennale di Venezia parte hartu zuen.
1959
Kassel-eko (Alemania) Documenta 2n parte hartu zuen.
1960
Bere lehenengo litografiak egin zituen.
1962
AEBko herritartasuna eskuratu zuen. Erakusketa bat egin zuen Allan Stone Gallery-n Barnett Newmanekin batera (New York).
1963
East Hampton-era lekualdatu zen (New York kanpoaldeko hiri txiki eta eder bat).
1964
Presidential Medal of Freedom jaso zuen, Estatu Batuetako Gobernuak esleitutako sari zibil nabarmenena. Kassel-eko (Alemania) Documenta 3n parte hartu zuen.
1965
Haren lanen lehenengo atzera begirako erakusketa egin zen Smith College Museum of Art-en (Northampton, Massachusetts).
1968
Amsterdam-eko Stedelijk Museum-ek atzera begirako erakusketa egin zuen eta, horri esker, De Kooningek Herbehereak bisitatu zituen lehenengo aldiz 1926tik. Erakusketa Tate Gallery-ra (Londres), Museum of Modern Art-era (MoMA, New York), Art Institute of Chicago-ra eta Los Angeles County Museum of Art-era (Los Angeles, Kalifornia) eraman zuten gero. Francis Bacon ezagutu zuen Londresen.
1969
Bere lehenengo eskulturak egin zituen Erroman, buztinez moldatuak eta molde bitartez brontzez mamituak.
1971
Litografiak jarri zituen erakusgai M. Knoedler et Cie. galerian (Paris).
1972
Bere lehenengo eskultura-erakusketa egin zuen Baltimore Museum of Art-en (Baltimore, Maryland).
1974
Walker Art Center-ek bere marrazki eta eskulturen erakusketa garrantzitsu bat antolatu zuen (Minneapolis) eta Ameriketako Estatu Batuetako beste museo batzuetara eraman zuten gero.
1975
American Academy of Arts and Letters-ek bere obra piktorikoaren multzoari buruzko Urrezko Domina esleitu zion.
1978
New Yorkeko Solomon R. Guggenheim Museum-ek artistaren lan berrienei buruzko erakusketa garrantzitsua egin zuen.
1979
Eduardo Chillidarekin batera, Andrew W. Mellon saria eskuratu zuen eta, bide batez, bere obrari buruzko erakusketa bat egin zuten Carnegie Museum of Art-en (Pittsburgh). Herbeheretako Gobernuak Orde van Oranje-Nassau-ko ofizial izendatu zuen.
1982
Bere azken lanak erakutsi zituen New Yorkeko Xavier Fourcade galerian. Akademie der Künst-eko kide aukeratu zuten (Berlin).
1983
Willem de Kooning, The North Atlantic Light, 1960–1983 inauguratu zen Amsterdameko Stedelijk Museum-en, eta Europako hainbat museotara eraman zuten gero. Bere marrazki, margolan eta eskulturen atzera begirako erakustaldi handi bat egin zuen Whitney Museum of American Art-en; hurrengo urtean, Akademie der Künst-era (Berlin) eta Musée national d'art moderne, Centre Georges Pompidou-ra (Paris) eraman zuten.
1984
Pintura eta eskultura jarri zituen erakusgai Londresko Anthony d'Offay Gallery-n. Goslar hiriak esleitutako Kaiserring saria jaso zuen (Alemania).
1986
AEBko Gobernuaren National Medal of Arts eskuratu zuen.
1987
New Yorkeko Gagosian Gallery-k Abstract landscapesen aukeraketa bat erakutsi zuen.
1993
Hirshhorn Museum eta Sculpture Garden-ek (Smithsonian Institution, Washington) bere lanaren atzera begirako garrantzitsu bat egin zuen eta, gero, Bartzelona, Atlanta eta Bostonera eraman zuten.
1994
Washington-eko National Gallery of Art-ek haren lanaren erakustaldi bat egin zuen eta, gero, Metropolitan Museum-era (New York) eta Tate Gallery-ra (Londres) eraman zuten.
1995
San Francisco Museum of Art-ek (San Francisco, Kalifornia) 1980ko hamarkadako margolanen atzera begirako erakusketa bat egin zuen eta, gero, Minneapolis, Bonn, Rotterdam eta New Yorkera eraman zuten.
1997
De Kooning martxoaren 19an hil zen East Hamptongo bere etxean (New York).
×