Ongi etorri Bilboko Guggenheim Museora!
Arteak lagun gaitzake gure emozioak hobeto ulertzen?

Ongi etorri Bilboko Guggenheim Museora!
Hemen ikusiko dituzuen artelanak dibertigarriak eta harrigarriak irudituko zaizkizue, eta oso ondo sentiaraziko zaituzteten emozioak esperimentatuko dituzue. Gainera, eraikin hau sinestezina dela egiaztatuko duzue!

Ibilbide honetan, zure erritmoan ezagutu ahal izango dituzu Bildumako zenbait lan eta maileguan utziak izan diren beste batzuk. Denak ere emakume artistek sortutako edo emakumeak irudikatzen dituzten artelanak dira. Euren ekarpenak zurekin partekatu nahi ditugu eta Artearen eta Kulturaren Historian dagokien lekuan kokatu.

Ez galdu aukera eraikin harrigarri hau bisitatzeko eta bertan ikusgai dauden artelan zoragarriak ikusteko. Ibilbide honetan proposatzen dizkizuegun artista guztiak emakumeak dira, ideia bikain eta ausartak dituztenak,… esploratzaileak bailiran!

Iraupena: 90 minutu

Ibilbide honi esker, Bildumako zenbait obra modu autonomoan ezagutu ahal izango dituzu, eta horien gainean, estetika aldetik nahiz ingurumen-iraunkortasunaren aldetik gogoeta egin ahal izango duzu.

Eraikin harrigarri batean zaudete, eta artelan oso bereziak eta interesgarriak ikusteko aukera izango duzue. Batzuek naturari, landareei, argiari, urari eta abarri buruzko gauzak kontatzen dizkigute.

Guggenheim Bilbao Museoak, arte moderno eta garaikideko aldi baterako erakusketa-programazio dinamikoa aurkezteaz gain, egungo artearen oinarrietan sakontzen du, eta artearen historiaren nazioarteko eszenari buruzko ikuspegi zabala eskaintzen du.

1997an inauguratu zenetik, Guggenheim Bilbao Museoa arte garaikideko lanen Bilduma esanguratsua osatuz joan da eta, bertan, XX. mendearen bigarren zatian artearen historian gailendu diren artistarik esanguratsuenetako batzuen lanak —batez ere estatubatuarrenak, europarrenak eta euskaldunenak— eta egungo panoramako sortzaileen lanak elkartu ditu.
Guggenheim Bilbao Museoaren Bildumaren obra enblematikoenetako batzuk kanpoaldean eta Museoan arkitektura aldetik ikusgarrienak diren aretoetan kokatzen dira.

Bisitatu Guggenheim Bilbao Museoa familiartean! Haurrentzat berariaz diseinatutako jarduera eta material aukera zabala dakarkigu, Museoa ekarrekin arakatu dezazuen. Gogoratu artelanak ezin direla ukitu, eta komenigarriagoa dela txikiak eskutik helduta eramatea. Eskerrik asko zuen laguntzarengatik!

Guggenheim Bilbao Museoa XX. mendeko arkitekturaren obra enblematikoenetako bat da: esperientzia paregabea bizi ezazu Frank Gehryk bertan diseinatu zituen guneak arakatuz.

Bizi esperientzia ahaztezina Guggenheim Bilbao Museoko erakusketak eta arkitektura paregabea ezagutuz.
Bisita itzazu erakusketetako gune didaktikoak, hezkuntza-tresna ezberdinak aurkituko baitituzu bertan: testuak, software interaktiboak, ikus-entzunezkoak, audio-artxiboak, laguntza-materialak, irudiak, irakurketa-eremuak eta abar, erakusketetan sakontzen laguntzeko.
* Eskaneatu QR kodea aretoetan, eskuratu entzuteko gidak doan mugikorrean eta gozatu bisitaldiaz.

Denbora gutxi baduzu, hautatu Museoan gaur ikusgai dauden ekitaldi artistiko eta elementu arkitektoniko nagusiak, eta ahalik eta gehien gozatu zure bisitaldiaz.