Antolaketa eta Gobernantza

Guggenheim Bilbao Museoaren jardunarekin lotura duten erakundeak hiru dira: Guggenheim Bilbao Museoaren Fundazioa, Bilboko Arte Moderno eta Garaikidearen Museoaren Ukanduna, S.L., eta Bilboko Arte Moderno eta Garaikidearen Museoaren Higiezina, S.L.

Guggenheim Bilbao Museoaren Fundazioaren gobernu-organo gorenak Patronatua eta Batzorde Betearazlea dira. Bestalde, eguneroko jarduna kudeatzeko, Guggenheim Bilbao Museoan hainbat arlo daude.

Museoaren zeregin nagusia (arte modernoa eta garaikidea kontserbatzea eta erakustea) kalitate handiko arte-programazio eta bildumaren bidez betetzen da. Arte ardura arloak zehazten ditu bien kontzeptuak, eta ikertu eta dokumentatzen ditu. Arloa arte-arduradun talde batek (pool) osatzen du, eta Museoaren arte-izaera sendotzen laguntzen du, baita Museoak berak antolatutako erakusketak garatzen ere.

Guggenheim Bilbao Museoaren jardueren memoria. Bertan biltzen da honen gaineko informazioa: Arte- eta hezkuntza-programak, eskuraketak, ikerlanak, bisitari-kopuruak, eragin ekonomikoa, Banakako Kideak eta Kide Korporatiboak, hedadura eta ekonomia eta finantzak.