Bi ikastetxetako ikasleek, bata Bilbokoa eta bestea New Yorkekoa, beren proiektu artistikoei buruzko dokumentazioa eta argazkiak trukatzen dituzte urtero eta bi inguruneetan bereizgarria eta ohikoa denari buruzko informazioa partekatzen dute. 2022 – 23 ikasturte honetan, Bilboko San Pedro Apostolua Ikastetxeko ikasleak zenbait astez komunikatu ziren New Yorkeko 145 Ikastetxe Publikoarekin, posta elektronikoaren eta bi taldeen sortze-prozesuak beren programetan erakusten zituzten irudien bidez. Idazkera eta komunikazioa funtsezkoak izan ziren Atlantikoaren bi aldeetan kokatutako bi klaseen arteko truke horretan.

Gainera, programan parte hartu zuten sei ikastetxeek aukera izan zuten New Yorkeko Solomon R. Guggenheim Museum-en antolatutako A Year with Children erakusketarako bisita birtual interaktiboetan parte hartzeko eta bertan bideo-dei bidezko zuzeneko konexioen bidez erakusten den Ipar Amerikako haurren lana ezagutzeko. Esperientzia horrekin, klaseetan leiho bat ireki zen New York hirirantz, eta ikasleek Bosgarren Etorbideko Museoa birtualki ezagutzeko aukera izan zuten.