Didaktika proiektuaren baitan, Museoak gune didaktikoak, eduki digitalak eta jarduera bereziak diseinatzen ditu erakusketa bakoitzaren osagarri. Era horretan, erakusgai dauden obrak balioesten laguntzeko tresnak eta baliabideak eskaintzen dizkio publikoari.

Online euskarri honetarako diseinatutako “Ba al zenekien…?” atalak EDP Fundazioa du babesle. Bertan, June Cresporen biografia profesional labur bat aurkituko duzu, baita ikus-entzunezko bat ere, non artistak bere lan-prozesuaren gako batzuk azaltzen dizkigun.