Jarrai gaitzazu:

Euskara   |   Español   |   English   |   Français

Inicio
Menua

> Zer ikusi Bizkaian

Gernika-Lumo

Gernika-Lumo

Gernikako hiribildua, 1366an sortua eta Euskadiren historiari hain hertsiki lotua, bisitatu beharreko tokia da guregana iristen diren turistentzat.
Gerra Zibilean jasan zuen bonbardaketa inspirazio-iturri izan zen Picassok izen bereko margoa egin zezan. Halaber, “Bakearen Hiria” saria jaso zuen, beste hiriekin senidetua dago eta lankidetza konpromisoak ditu kultura, hezkuntza edo industria bezalako arloetan.

Gernika-Lumok ondare artistiko garrantzitsua du, eta horien artean Juntetxea nabarmentzen da. Bere aurrean dagoen Gernikako Arbolapean, XV. mendetik Batzar Nagusiak biltzen dira.
Ikusi beharreko beste tokiak hauek dira: Andra Mari eliza gotikoa; Santa Klara komentua; Alegria jauregia, XVIII. mendeko jauretxea; Euskal Herria Museoa; eta Bakearen parkea, Eduardo Chillida eta Henry Moore-ren eskultura kolosalak bertan daudela.
Oso gertu, Urdaibai Erreserba Naturala dugu -UNESCOk Biosfera Erreserba izendatua- eta baita Kortezubiko Santimamiñe kobazuloa ere. Bertan, labar-pintura zoragarriak daude, Altamirakoen parekoak kalitate eta balio aldetik.

Localización de Gernika-Lumo

Gernika-Lumo

48300 Gernika-Lumo, España

×