Jarrai gaitzazu:

Euskara   |   Español   |   English   |   Français

Inicio
Menua

Artea ikasbide 2005

2005(e)ko ekainak 14 – 2005(e)ko uztailak 17

Artea ikasbide erakusketak 6 eta 12 urte bitarteko 186 ikaslek sortutako artelanen aukeraketa aurkeztu zuen, 2004–05 ikasturtean Guggenheim Bilbao Museoaren hezkuntza-programa horretan parte hartu zutenena.

Learning Through Art ekimena (“artea ikasbide”) 1970ean sortu zuen Natalie Liebermanek New Yorkeko Solomon R. Guggenheim Museoan, jarduera artistikoen bitartez Lehen Hezkuntzako eskola-curriculumaren ikasgaiak sendotzeko. EAEko ikastetxeen beharretara moldatu zuen Guggenheim Bilbao Museoak. Artistak ikastetxe publikoetara joaten dira irakasleekin zuzenean elkarlanean aritzera. Ikasleek era askotara ikasten dute: hitz eginez, ikertuz, antzeztuz edota sortuz; horretan datza metodologia. Nabaria denez ikasleek jarduera artistikoen bitartez ikasteko nahi handiagoa erakusten dutela, ekimen honetako tailerrak oso eraginkorrak dira curriculumaren arloak sendotzeko eta irakurketa-, idazketa- eta hizkuntza-gaitasunak garatzeko. Sortze-prozesuan parte hartuz gaitasun hauek garatzen dituzte: proiektuak planifikatu eta taxutu, taldean lan egin eta ikuspegi kritiko batez pentsatu. Irakaskuntzako metodo tradizionalei jarraitzeko zailtasunak izaten dituztenengana hurbiltzeko modu bat da gainera eta, garrantzitsuagoa, neska-mutilen autiestimua eta hazkunde pertsonala areagotzen dira.

Sortze-prozesuan parte hartzen dutenean egiten dute hori guztia eta, gainera, ikuspegi kritikoaz pentsatzen edo proiektu bat planifikatu eta amaitu arte garatzen ikasten dute. Ekimen honek curriculum-arloen artean dauden bereizketak desegiten ditu eta mundua sormenez eta beren kabuz begiratzera animatzen ditu haurrak. Artea errealitatea ezagutu, arakatu eta ulertzeko tresna bihurtzen da.

Ikastetxeak
Araban: San Martín (Gasteiz) eta Izarra (Izarra- Urkabustaiz). Bizkaian: Bekobenta (Markina- Xemein), Kampazar (Portugalete), Learreta-Markina (Berriz) eta Ignacio Zubizarreta (Igorre). Gipuzkoan: Herrera (Donostia), eta Txingudi eta Elatzeta (Irun).

Artistak
Inés Cárcoba, Alex Carrascosa, Oier Etxebarría, Ibón Garagarza, Iñaki Gracenea, Julio Hernández, Aiora Kintana, Maider López, Manu Muniategiandikoetxea eta Jorge Rubio.

Artea ikasbide, 2005

×