Jarrai gaitzazu:

Euskara   |   Español   |   English   |   Français

Inicio
Menua

Orri honek cookieak erabiltzen ditu nabigazioa eraginkorragoa izan dadin eta zerbitzu pertsonalizatuagoa izan dezazun. Nabigazioarekin jarraituz gero, cookien erabilera onartzen duzula ulertuko dugu.
Konfigurazioa aldatu edo informazio gehiago eskura dezakezu gure Cookien Politika bidez.

Biografia Jenny Holzer

Ikus Bildumaren lanak

Jenny Holzer Gallipolis, Ohio, 1950

1950
Uztailaren 29an jaio zen Gallipolis-en (Ohio).
1968
Duke University-n hasi zen (Durham) eta udan Ohioko Unibertsitateko ikastaroetara joan zen.
1970
Urtebetez marrazketa eta grabatua ikasi zuen Chicagoko Unibertsitatean.
1972
Ohioko Unibertsitatean graduatu zen marrazketa eta grabatua espezialitatean.
1973
Bidaia bat egin zuen Frantziara eta Espainiara.
1975
Rhode Island School of Design-en hasi zen eta, bertan, Arte Ederren Master bat eskuratu zuen bi urte geroago. Hitz idatzia erabiltzen hasi zen bere lanetan.
1977
New Yorkera lekualdatu zen Whitney Museum of American Art-eko Independent Study Program-en onartua izan ondoren. Truisms saila sortu zuen: testuak baliatuz egindako grabatu-multzo bat. Manhattango hormetan modu anonimoan eskegi zituen.
1978
New Yorkeko P.S.1 Institute for Art and Urban Resources-en egon zen erakusgai, Painted Room izenburupean.
1979
A Little Knowledge liburua argitaratu zuen. Inflamatory Essays sailari ekin zion.
1980
Berarekin lankidetzan maiz ibilitako Peter Nadin artistarekin batera, The Living Series egin zuen, lehenengoz Galerie Rüdiger Schöttl-en (Munich) eta, gero, Galerie Chantal Crousel-en (Paris) erakusgai jarritakoa. Black Book liburua argitaratu zuen.
1982
Bere lanetan LED pantailak erabiltzen hasi zen. The Living Series erakusketa Barbara Gladstone Gallery-n egin zen (New York). Kassel-eko (Alemania) Documenta 7n parte hartu zuen. Chicagoko Art Institute-n Blair Award saria jaso zuen.
1983
Institute of Contemporary Art-en erakutsi zituen lanak (Pennsylvaniako Unibertsitatea, Filadelfia).
Truisms and Essays liburua argitaratu zuen.
1984
Rotterdam Kunststichting-en (Rotterdam) eta Kunsthalle Basel-en (Basilea) egon zen erakusgai. The Survival Series sailari ekin zion: zilar eta beltz koloreko xingola itsasgarrien gaineko testuz osatua eta, batzuetan, ordenagailuz sortutako irudiek lagunduta.
1985
Under a Rock sailari ekin zion; horretarako, bere lehenengo granito-bankuak sortu zituen.
1986
Signs saila jarri zuen ikusgai abenduan Des Moines Art Center-en (Des Moins, Iowa) inauguratutako erakustaldi ibiltarian; 1987an, Aspen Art Museum-era (Aspen, Colorado), San Franciscoko Artspace-ra, Museum of Contemporary Art-era (Chicago) eta Massachusetts Institute of Technology-ko List Visual Arts Center-era (Cambridge) eraman zuten ibiltari.
1988
Brooklyn Museum of Art-en egin zuen erakusketa (New York). Signs eta Under a Rock sailak Londresko Institute of Contemporary Arts-en egon ziren erakusgai. Art Breaks egin zuen. Lan horretan, bere aurreko sailetako testuak hartu zituen abiatpuntu; MTVk tarteka eta ausaz eman zituen telebistaz.
1989
Solomon R. Guggenheim Museum-en erakutsi zituen lanak (New York); erakusketa horretan, bere testuak proiektatu zituen Frank Lloyd Wrighten eraikinaren barnealdean. Bakarkako erakusketa bat egin zuen Dia Art Foundationen ere (New York), Laments saila erakutsiz.
1990
XLIV Biennale di Venezian parte hartu zuen (Venezia). Bertan erakusgai jarritako instalazioari pabilioi onenaren Urrezko Lehoia esleitu zioten; gero, Städtische Kunsthalle-n (Düsseldorf) eta, hurrengo urtean, Louisiana Museum for Moderne Kunst-en (Humlebaek, Danimarka), Albright-Knox Art Gallery-n (Buffalo, New York), Walker Art Center-en (Minneapolis) eta Dallas Museum of Art-en (Dallas) erakutsi zuten.
1992
Ydessa Hendeles Art Foundation-en erakutsi zituen lanak (Toronto).
1993
Ujazdowski gazteluan (Varsovia) eta Haus der Kunst-en (Munich) egon zen erakusgai.
1994
Japonian egin zituen erakusketak Contemporary Art Center-en (Mito) eta Art Gallery Atrium-en (Fukuoka). Skowhegan School of Painting and Sculptureren Skowhegan Medal for Installation eskuratu zuen (Maine). Ohioko Unibertsitateko UniversHonoris Causa Doktore izendatu zuten (Athens).
1995
Laments saila jarri zuen erakusgai Williams College Museum of Art-en (Williamstown, Massachusetts).
1996
Hirurehun giza hezurrez osatutako Lustmord instalazioa Kunstmuseum des Kantons-en erakutsi zuen (Thurgau, Warth, Suitza) eta, hurrengo urtean, Contemporary Arts Museumera eraman zuten (Houston). Crystal Award esleitu zioten Genevan World Economic Forumek emanda.
1997
Installation for Bilbao lana egin zuen espresuki Guggenheim Bilbao Museoaren inaugurazio-erakustaldirako.
1998
Instituto Cultural Itaú-n egon zen erakusgai (São Paulo).
1999
Banco do Brasil kultura zentroan egin zuen erakusketa (Rio de Janeiro, Brasil).
2000
Buenos Airesko Fundación Proak artistaren hainbat instalazio erakutsi zituen.
2001
Erakusketak egin zituen Neue Nationalgalerie-n (Berlin; bertan, gainera, hainbat proiekzio eman zituen) eta CAPC - Musée d'Art Contemporain de Bordeaux-en (Bordele, Frantzia). Festival d'Automne de Parisen parte hartu zuen instalazio batekin, Pitié-Salpêtrièreko Chapelle Saint-Louis-en.
Berliner Zeitungen
BZ-Kulturpreis esleitu zioten (Berlin).
2002
Frantziako Errepublikako Chevalier de l'Ordre des Arts et des Lettres izendatu zuten. Goslar hiriaren Kaiserring saria jaso zuen eta, ondorioz, hiri bereko Mönchehaus Museum für Moderne Kunst-en erakutsi zituen lanak.
2004
Housatonic Museum of Art-ek (Bridgeport, Connecticut) Interface: Jenny Holzer and Media Art erakusketa egin zuen. Kunsthaus Bregenz-en egon zen erakusgai (Bregenz, Austria). Americans for the Arts-ek esleitutako Public Art Network Award jaso zuen (Washington eta New York).
2006
Daniel Buren-ekin eta Liam Gillick-ekin batera izan zen hautatua Guggenheim Bilbao Museoaren lehiaketa batean parte hartzeko; helburua Museoaren Hamargarren Urteurrena ospatzea Salbe zubiaren gainean Museoren arkitekturan integratutako artelan bat sortzea zen.
2007
LII Biennale di Venezian parte hartu zuen (Venezia). Massachusetts Museum of Contemporary Art-ek (MASS MoCA, North Adams, Massachusetts) barnealdera proiektatutako instalazioak erakutsi zituen AEBn lehenengoz, eta margolan berriekin egon ziren ikusgai Jenny Holzer - Projections erakusketan.
2008
Chicagoko Museum of Contemporary Art-en (MCA) Jenny Holzer: PROTECT PROTECT erakustaldia inauguratu zen; gero, Whitney Museum of American Art-era (New York) eta Fondation Beyeler-era (Riehen, Suitza) eraman zuten. For the Guggenheim instalazioa egin zuen Solomon R. Guggenheim Museume-n (New York). The Missing Peace: Artists Consider the Dalai Lama erakusketan parte hartu zuen San Franciscoko Yerba Buena Center for the Arts-en. Gero, erakusketa Tokioko Daikanyama Hillside Terrace-ra eta Madrilgo Fundación Canalera eraman zuten.
2010
Bi proiekzio instalatu zituen Institute of Contemporary Art-en, Bostonen, Massachusettsen, eta Portland Museum of Art-en, Portlanen, Mainen. Museum of Contemporary Art-ek, Chicago-n, eta Basileako Fondation Beyeler-ek, Suitzan, elkarrekin antolatu zuten Jenny Holzer erakusketa, ondoren BALTIC Centre for Contemporary Art-en, Gatesheaden, Erresuma Batuan, eta DHC/ARTen, Montrealen, Kanadan, aurkeztutakoa. Erakusketak egin zituen New Yorkeko Skarstedt Gallery-n, Parisko Galerie Yvon Lambert-en eta Edinburgoko Talbot Rice Gallery, University of Edinburgh-en.
2011
Proiekzio bat instalatu zuen Old Brewery-en, Poznanen, Polonian. Berlingo Neue Nationalgalerie-k artistaren erakusketa homonimo bat inauguratu zuen. Haren lana taldeerakusketa hauetan aurkeztu zen: Skulpturenpark Köln, Kolonia, Museu de Arte Contemporânea Serralves, Oporto, Museum on the Seam, Jerusalem, Stedelijk Van Abbemuseum, Eindhoven, Herbehereak, eta Kunstsammlung Nordrhein-Westfalen, Düsseldorf.
×