Jarrai gaitzazu:

Euskara   |   Español   |   English   |   Français

Inicio
Menua

Orri honek cookieak erabiltzen ditu nabigazioa eraginkorragoa izan dadin eta zerbitzu pertsonalizatuagoa izan dezazun. Nabigazioarekin jarraituz gero, cookien erabilera onartzen duzula ulertuko dugu. Konfigurazioa aldatu edo informazio gehiago eskura dezakezu gure Cookien Politika bidez.

Biografia Jeff Koons

Ikus Bildumaren lanak

York, Pensilvania, 1955 | New Yorken bizi eta lan egiten du

1955
York-en jaio zen (Pensilvania). Altzari-denda zuen aitak eta berarengandik ikasi zuen estetikaren zentzua izaten.
1962
Marrazketa-klaseetara joaten hasi zen, eta aitaren dendan erakutsi zituen bere lanak.
1972
Maryland Institute College of Art-en hasi zen (Baltimore), eta artea eta diseinua ikasi zituen. Lehen alaba, Shannon, jaio zen urte hauetan. 
1975
Chicagora lekualdatu zen, School of the Art Institute of Chicago-n ikasketak jarraitzeko, eta Ed Pasche-rekin eta Jim Nutt-ekin eskolak hartu zituen.
1976
New Yorkera aldatu zen. Patti Smith abeslariaren eta Talking Heads taldeko kideen lagun egin zen.
1977
David Salle eta Julian Schnabel artisten bidez, Mary Boone galerista ezagutu zuen: haren obrari buruzko interesa agertu zuen. Lorez eta untxi puzgarriz egindako eskulturak egiten hasi zen.
1978
Puzgarriak (Inflatables) saila hasi zuen, eta hurrengo urtean Berriaren aurrekoa (Pre-New) saila. 
1980
Berria (The New) serieko lan bat, xurgagailu bat beirategi batean zetzana, jarri zuen ikusgai New Yorkeko New Museum of Contemporary Art-eko erakusleiho batean.
1985
New Yorkeko bere lehenengo bakarkako erakusketa egin zuen International with Monument Gallery-n; hor, bere Oreka (Equilibrium) seriea erakutsi zituen eta, urte horretan bertan, Chicagoko Feature Gallery-n ikusgai jarri zituen. Sail horretan Oreka perfektuan dauden 50/50 bi baloidun arrainontzia (Two Ball 50/50 Tank) pieza ospetsua zegoen: saskibaloi batzuk bitrina batzuen barnean murgilduta.
1986
Luxua eta endekapena (Luxury and Degradation) metalezko eskulturen saila egon zen erakusgai New Yorkeko International with Monument Gallery-n eta Los Angeleseko Daniel Weinberg-en. Estatuaria (Statuary) serieko Untxia (Rabbit) ezaguna egin zuen. 
1987
Bere obra Saatchi Collection-eko New York Art Now erakusketan sartu zen (Londres). Whitney Museum of American Art-eko Whitney Biennialen parte hartu zuen (New York). Municheko Skulptur Projekte azokarako Kiepenkerl lana egin zuen. 
1988
Portzelanazko eta kolore anitzeko zurezko eskulturen Hutsalkeria (Banality) saila sortu zuen, eta Ileana Sonnabend Gallery-n (New York), Donald Young Gallery-n (Chicago) eta Galerie Max Hetzler-en (Kolonia) jarri zuen erakusgai. Sail horretan Michael Jackson eta Bubbles (Michael Jackson and Bubbles) pieza ospetsua sartu zen. Chicagoko Museum of Contemporary Art-en erakutsi zituen lanak.
1989
Rotterdamse Kunststichting-en egon zen erakusgai (Rotterdam). New Yorkeko Whitney Museum of American Art-ek antolatutako Image of the World erakusketaren barruan, poster bat instalatu zuen Brodway-ko publizitate-hesi batean, Zeruan egina (Made in Heaven) pintura eta eskulturen sailaren lehenengo irudia izan zen; erretratu horretan, Illona Staller «Cicciolina» aktore pornografikoarekin agertzen zen.
1990
XLIV Biennale di Venezia parte hartu zuen (Venezia) eta, bertan, Zeruan egina (Made in Heaven) pintura eta eskulturen saileko lehenengo lanak erakutsi zituen.
1991
Made in Heaven saila erakutsi zen New Yorkeko Ileana Sonnabend Gallery-n eta Koloniako Galerie Max Hetzler-en. Illona Staller-ekin ezkondu zen Budapesten.
1992
San Francisco Museum of Modern Art-ek eta Amsterdam-eko Stedelijk Museumek bere obraren atzera begirako erakustaldiak egin zituzten. Zeruan egina (Made in Heaven) sailaren zati bat erakutsi zuen Galerie Lehmannn-en (Lausana, Suitza) eta Galerie Christophe Van de Wegh-en (Brusela). Puppy lan ezaguna sortu zuen Arolsen gazteluaren aurrean (Alemania): lore-jokoz jantzitako West Highland White Terrier motako txakurkume baten irudia. The Jeff Koons Handbook argitaratu zuen. Seme Ludwig Maximiliam jaio zen.
1993
Ospakizuna (Celebration) sailean lanean hasi zen. Koons eta Ilona Staller banatzen dira eta seme Ludwig-en jagotea lortzeko borroka luzea hasi zuten.
1994
Londresko Anthony d’Offay Gallery-n egin zuten erakusketa.
1995
Puppy Sidney-ko Museum of Contemporary Art-en egon zen erakusgai.
1997
Noirmont-eko Galerie Jérôme-n egin zuen erakusketa (Paris). Puppy Guggenheim Bilbao Museoaren inaugurazioan eraikinaren kanpoaldean instalatu zuten iraunkorki.
1999
New Yorkeko Ileana Sonnabend Gallery-n eta Atenasko Deste Fundazioan egin zituen erakusketak.
2000
Dibertsio erraz-etereoa (Easyfun-Ethereal) pintura-saila sortu zuen eta Deutsche Guggenheim-en jarri zuen erakusgai (Berlin). Zaldi kulunka zatitua (Split-Rocker) lore-eskultura instalatu zuen Palais des Papes-en (Avignon, Frantzia). Puppy New Yorkeko Rockefeller Center-en egon zen ikusgai aldi baterako. Berliner Zeitungek BZ-Kulturpreis eman zion (Berlin).
2001
Kunsthaus Bregenz-en (Bregenz, Austria) eta Gagosian Gallery-n (Los Angeles) egin zituen erakusketak. Dibertsio erraz-etereoa (Easyfun-Ethereal)saila jarri zen erakusgai Guggenheim Bilbao Museoan. Seme Sean Kyah jaio zen.
2002
New Yorkeko Solomon R. Guggenheim Museum-ek Dibertsio erraz-etereoa (Easyfun-Ethereal) saila jarri zuen erakusgai. Argazki eta lan grafikoei buruzko erakustaldi bat egin zen Kunsthaus Bielefeld-en (Bielefeld, Alemania). XXV Bienal de São Paulon parte hartu zuen (São Paulo) eta, bertan, Dibertsio erraz-etereoa (Easyfun-Ethereal) saila erakutsi zuen. Skowhegan Medal for Sculpture jaso zuen, Skowhegan School of Painting and Sculpture-k esleituta (Maine). Corcoran College of Art and Design-eko Arte Ederretako Honoris Causa doktore izendatu zuten (Washington). Frantziar errepublikaren Chevalier de la Légion d’honneur izendapena jaso zuen. Justine Wheeler-ekin ezkondu zen. 
2003
Italiako museo batean egon zen erakusgai lehenengo aldiz: Museo Archeologico Nazionale di Napoli-n (Napoli). Jasper Johnsetik Jeff Koonsera: Broad bildumen artearen lau hamarkada erakusketan egon zen ikusgai Guggenheim Bilbao Museoan. Seme Kurt Leo jaio zen. 
2004
Berlingo Galerie Max Hetzler-en egin zuen erakusketa bat eta atzera begirakoak izan ziren New Yorken eta Oslon. 
2005
American Academy of Arts and Sciences-eko kide aukeratu zuten (New York). Seme Blake Owen jaio zen. 
2006
Haren lana eta Antonio Cánova-rena batera erakutsi zuten Deutsche Guggenheimen, Canova and Koons: Classical Subversion izenburupean.
2007
Officier de la Légion d’Honneur izendatu zuten Parisen. Milaneko Triennale di Milanon parte hartu zuen Atelier Bovisaren bidez. Londresko Gagosian Gallery-ren bi egoitzetan artistaren erakusketa bana inauguratu zen: Jeff Koons: Popeye eta Jeff Koons: Hulk Elvis. Haren lanak NGV National Gallery of Victoria International-eko Guggenheim Collection: 1940s to Now erakusketa kolektiboaren zati izan ziren (Melbourne, Australia).
2008
Chicagoko Museum of Contemporary Art-ek (MCA) artistaren erakusketa monografiko bat egin zuen. Tamaina handiko hiru lan instalatu ziren The Metropolitan Museum of Art-en (New York): 1994–2000ko Puxika txakurra (horia) [Balloon Dog (Yellow)], 1997–2005eko Margotzeko liburua (Coloring Book) eta 1994–2007ko Bihotz sakratua (gorria/urre kolorekoa) [Sacred Heart (Red/Gold)]. Versailles-eko Jauregian artistaren erakusketa monografiko bat inauguratu zen (Frantzia). Seme Eric jaio zen.
2009
Bere obra Bartzelonako Black Cube Gallery-ko Four-4 erakusketan sartu zen. Haren obra Stedelijk Museumeko The unexpected – van Picasso tot Penck, van Appel tot Koons erakustaldian egon zen ikusgai (Amsterdam).
2010
Londresko Royal Academy of Arts-eko kide izendatu zuten. Erakusketak egin zituen Gagosian Gallery-n, New Yorken, eta Galerie Jérôme de Noirmont-en, Parisen. Irabazi asmorik gabeko RxArt erakundeak, Kiehl’s-en lankidetzarekin, artistaren obra Advocate Hope Children’s Hospital-en instalatu zuen, Oak Lawnen, Ilinoisen. BMWren «Art Car», artistak sortua, Le Mans-eko 24 orduak ibili zituen, Frantzian. Alaba Scarlet jaio zen. 
2011
FEGS Health and Human Services System erakundeak Voice of Art Award lehen saria eman zion, eta Bruce Museum-ek (Greenwich, Connecticut) Artist Icon Award in the Arts saria. Edinburgoko Scottish National Gallery of Modern Art-ek ARTIST ROOMS Jeff Koons inauguratu zuen.
2012
AEBko Estatu Departamentuak Medal of Arts domina eman zion. Erakusketa monografikoak izan zituen Beverly Hillseko Gagosian Gallery-n, Bruselako Almine Rech Gallery-n eta Basileako Fondation Beyeler-en. Jeff Koons: The Painter erakusketa ireki zen Frankfurteko Schirn Kunsthalle-n eta aldi berean Jeff Koons: The Sculptor hiri horretako Liebieghaus Skulpturensammlung-en.
2013
Antiquity eta Hulk Elvis sailetako lanak aurkeztu zituen, baita Puxika beltxarga (Balloon Swan), Puxika tximinoa (Balloon Monkey) eta Puxika untxia (Balloon Rabbit) lanak ere, Jeff Koons: New Paintings and Sculpture erakusketan, New Yorkeko Gagosian Gallery-n. Esfera islatzailea (Gazing Ball) saila New Yorkeko David Zwirner Gallery-n aurkeztu zen. Seme Mick jaio zen.
2014
Koonsen lanaren atzera begirako handiena ireki zen New Yorkeko Whitney Museum of American Art-en; gerora Parisko Centre national d’art et de culture Georges Pompidou-n eta 2015eko udan Guggenheim Bilbao Museoan ikusgai izan zen.
×