Jarrai gaitzazu:

Euskara   |   Español   |   English   |   Français

Inicio
Menua

Orri honek cookieak erabiltzen ditu nabigazioa eraginkorragoa izan dadin eta zerbitzu pertsonalizatuagoa izan dezazun. Nabigazioarekin jarraituz gero, cookien erabilera onartzen duzula ulertuko dugu.
Konfigurazioa aldatu edo informazio gehiago eskura dezakezu gure Cookien Politika bidez.

Biografia Christian Boltanski

Ikus Bildumaren lanak

París, 1944

1944
Irailaren 6an jaio zen Parisen.
Etorki judukoa, Frantzia naziek okupatu izanak lehenengo bizitza-urteak erasan zituen, familia ezkutatuta egon behar izan baitzen.
1958
Pinturan hasi zen, eskolatze arauturik eta arte-heziketa ofizialik gabeko haurtzaro baten ondoren. Lehenengo lanak gai historiko eta makabroen formatu figuratibo handiak dira.
1968
Pintura utzi zuen argazkigintzan lan egiteko, material-pieza txikiekin (adibidez, plastilina, objektu pertsonal eta posta-txartelekin), existentziari, denboraren iraganari, memoriari eta haurtzaroari berari buruzko hausnarketa egiteko. Bakarkako lehenengo erakusketa egin zuen, La vie impossible de Christian Boltanski deitua, Parisko Théâtre le Ranelagh-en.
1969
Bere lehenengo liburuak argitaratu zituen: Recherche et présentation de tout ce qui reste de mon enfance, 1944–1950 eta Reconstitution d'un accident qui ne m'est pas encore arrivé et où j'ai trouvé la mort, biak ere Galerie Givaudan-ek argitaratuak (Paris).
1970
ARC/Musée d'Art Moderne de la Ville de Paris-en egon zen erakusgai (Paris).
1972
Kassel-eko (Alemania) Documenta 5en parte hartu zuen.
1973
Les inventaires erakustaldia egin zuen, hainbat tokitan ikusgai egondakoa: Staatliche Kunsthalle Baden-Baden (Baden-Baden), Israel Museum (Jerusalem), Museum of Modern Art (Oxford) eta, hurrengo urtean, Louisiana Museum for Moderne Kunst (Humlebaeken, Danimarka) eta Centre National d'Art Contemporainen (CNAC, Paris).
1975
A proposito del Mulino Stucky erakustaldian parte hartu zuen, Biennale Architettura di Venezian kokatuta (Venezia).
1976
Photographies couleurs, images modèles erakustaldia inauguratu zuen Musée national d'art modernen (Centre Georges Pompidou, Paris).
1977
Compositions sail ospetsua lantzen hasi zen.
1978
New Yorkeko P.S.1 Institute for Art and Urban Resources-en egon zen erakusgai (New York).
1980
Calais-eko Musée des Beaux-Arts-ek Christian Boltanski: Compositions erakusketa inauguratu zuen.
1984
Filme von Christian Boltanski erakustaldia Kunsthalle Bern-en inauguratuko da (Berna) eta Musée national d'art moderne, Centre Georges Pompidou-ra (Paris), Kunsthaus Zürichera (Zurich), Staatliche Kunsthalle Baden-Baden-era (Baden-Baden) eta Bonner Kunstvereinera (Bonn) eraman zuten hurrenez hurren.
1986
Leçon des ténèbres erakustaldia inauguratu zuen Kunstverein München-en (Munich). XLII Biennal di Venezian parte hartu zuen (Venezia).
1987
Kassel-eko (Alemania) Documenta 8n parte hartu zuen eta, bertan, holokaustoaren gaia landu zuen.
1988
El caso erakusketa egin zuen Museo Nacional Centro de Arte Reina Sofía-n (Madril). Lessons of darkness erakustaldia AEBko eta Kanadako hainbat museotan eraman zuten ibiltari Museum of Contemporary Art-en hasita (Chicago, Illinois) eta The Power Plant-en (Toronto, Kanada) amaituta. Marian Goodman Gallery-n egon zen erakusgai (New York).
1990
Institute of Contemporary Art-en egin zuen eraskuketa (Nagoya, Japonia). Christian Boltanski: Reconstitution erakusketa inauguratu zen Whitechapel Art Gallery-n (Londres), eta Stedelijk Van Abbemuseum-era (Eindhoven, Herbehereak) eta Musée de Grenoble-ra (Grenoble) eraman zuten gero.
1993
Museum Ludwig-en egon zen erakusgai (Kolonia).
1994
National Museum of Contemporary Art-en egon zen erakusgai (Oslo).
1995
Bakarkako erakustaldiak egin zituen Villa Medici-n (Erroma) eta Kunsthalle Wien-en (Viena). Advento erakusketa izan zuen Santiago de Compostelako Santo Domingo de Bonaval elizan, Centro Galego de Arte Contemporánea-n (CGAC).
1997
National Museum of Contemporary Art-en egon zen erakusgai (Seul). Guggenehim Bilbao Museoaren Guggenheim Museoak eta mende honetako artea inaugurazio-erakusketan bere lanak erakutsi ziren, baita museo bereko Duela gutxiko arte europarra erakustaldian ere.
1998
Christian Boltanski: So Far erakusketa inauguratu zen Kemper Museum of Contemporary Art & Design-en (Kansas City, Kansas).
2000
Christian Boltanski: Reflexion erakustaldia inauguratu zen Bostongo Museum of Fine Arts-en.
2001
Face[t]s of Memory: Found Photographs and Family Albums erakustaldia inauguratu zen San Franciscoko The Contemporary Jewish Museum-en (Kalifornia). Kaiserring saria esleitu zion Goslar-eko Moncheausmuseum-ek (Alemania). Kunstprize saria ere eman zion NORD/LBk (Braunschweig, Alemania).
2003
The Disembodied Spirit erakustaldiak AEBko hainbat museotatik bidaiatu zuen. Ujazdowski gazteluan egon zen erakusgai (Varsovia).
2006
Erromako Museo d'Arte Contemporanea di Roma-n (MACRO) egin zuen erakusketa, baita Institute of Contemporary Arts-en ere (ICA, Londres). Eskulturako Praemium Imperiale eman zioen Japan Art Association-ek.
2007
Annulé erakustaldia inauguratu zen Bordeleko CAPC -Musée d'Art Contemporain-en (Frantzia).
2008
Magasin 3 Stockholm Konsthall-en egon zen erakusgai (Stockholm).
2009
Centro Galego de Arte Contemporánea-n (CGAC, Santiago de Compostela) A mancha eta Kunstmuseum Liechtensteinen (Vaduz) La vie impossible inauguratu zuen.
2010
New Yorkeko Park Avenue Armory-k Christian Boltanski: No Man's Land erakusketa inauguratu zuen. Erakusketa hauetan parte hartu zuen: Collection / Porto: Museu Serralves, Domaine de Kerguéhennec – Centre d'Art Contemporain-en, Bignan-en, Frantzian; Contemplating the Void: Interventions in the Guggenheim Museum, Solomon R. Guggenheim Museum-en, New Yorken, eta Haunted: egungo argazkigintza- bideoa-performancea, Guggenheim Bilbao Museoan.
2011
Palma Mallorcakoan, Es Baluard Museu d'Art Modern i Contemporani de Palma-n, Signatures obra erakutsi zuen, museoko Aljub-en propio kokatzeko sortua. Frantzia ordeztu zuen LIV Biennale di Venezia-n, Venezian.
×