Jarrai gaitzazu:

Euskara   |   Español   |   English   |   Français

Inicio
Menua

Orri honek cookieak erabiltzen ditu nabigazioa eraginkorragoa izan dadin eta zerbitzu pertsonalizatuagoa izan dezazun. Nabigazioarekin jarraituz gero, cookien erabilera onartzen duzula ulertuko dugu. Konfigurazioa aldatu edo informazio gehiago eskura dezakezu gure Cookien Politika bidez.

Pertsona orori zuzendutako museoa

Guggenheim Bilbao Museoaren lehentasunezko helburua da erakundeak eskaintzen dituen zerbitzu zein jardueretan parte hartzeko aukera erraztea pertsona guztiei. Horren haritik, informazio-gida hau jarri dugu zure eskura, informazio orokorreko katalogoaren osagarri. Esker onez hartuko ditugu zure ohartarazpen edo iradokizunak.

Irisgarritasun gida: Guggenheim Bilbao Museoa (224KB)

Entzuteko gidak eta Bideo-gidak

Entzuteko gidak

Eraikinaren arkitekturari zein museoko erakusketei buruzko informazioa entzuteko sistema eramangarria, museoa nork bere kontura bisitatzeko. Entzungailu doigarriak eska daitezke. Begizta magnetikoa ere badugu.

Haurrentzako entzuteko gida da 100 zenbakia, haurrek Denboraren materia ezagutzeko kontakizuna. Ezintasun intelektuala duten pertsonentzako eduki irisgarriak eskuragarri daude eraikinari buruz zein kanpoan kokatutako artelanetako batzuei buruz (2015eko martxotik aurrera).

Maketak

Ikusmen-urritasuna duten pertsonek ukimenaren bitartez lanak aztertzeko aukera izan dezaten, Puppy eta Ama lanen maketak (eta aurki eraikinarenak) eskaintzen ditu Museoak.

Bideo-gidak

Gaztelaniazko zeinu-hizkuntzan edo azpitituluekin landutako bideo-gidak entzuteko ezintasuna duten pertsonentzat. Halaber, euskaraz, gaztelaniaz, ingelesez, frantsesez, alemanez eta italieraz idatzitako testuak eskuragarri daude.

Museoaren kanpoaldea deskribatzen duen entzuteko bisitaldia eskaintzen zaie ikusteko ezintasuna duten pertsonei; horrela, Frank Gehryk diseinatutako eraikina, Jeff Koonsen Puppy artelana eta Louise Bourgeoisen Ama artelana ezagutzeko aukera izango dute.

 

AULKIAK

Haur-kotxeak eta haurtxoak eramateko motxilak

Haur txikiak haur-kotxean edo motxilan eraman nahi izanez gero, jantzitegian eska ditzakezu.

Gurpil-aulkiak

Gurpil-aulkiak eskuragarri ditugu aulkia behar duten bisitariak erosoago egon daitezen. Jantzitegian eska itzazu.

Aulki eramangarriak

Aulki oso arinak ibilbidearen edozein unetan atseden hartzeko. Jantzitegian eska itzazu.

Komunak

Gurpil-aulkien erabiltzaileentzako banakako kabinak aurkituko dituzu komun guztietan. Gainera, pixoihalak aldatzeko lekuak daude lehen solairuan eta 0 solairuan.

ZERBITZUAK

Denda-Liburudenda

Dendako langileek behar duzun arreta eskainiko dizute.

 

Erakusmahaiak

Gurpil-aulkien erabiltzaileei egokituta daude eta begizta.

 

LIBURUTEGIA

Bertako fondo bibliografikoak arte modernoan eta gaur egungo artean espezializatuta daude. Gure liburuzainek lagunduko dizute edozein kontsulta egin nahi izanez gero.

 

Jatetxeak eta taberna

Plazatik sarbidea duen tabernarekin batera, kalitate handiko nazioarteko bi sukaldaritza-esperientzia eskaintzen dizkie Guggenheim Bilbao Museoak bisitariei. Nerua, goi-mailako sukaldaritzako jatetxea, eta Bistró Guggenheim Bilbao, proposamen informalagoa, zaindua eta eguneko zein gaueko une bakoitzean desberdina. Irisgarritasuna bermatzen dute bi jatetxeek eta arreta-zerbitzua dute mahai guztietan. Elikagairen batekin arazoak baldin badituzu, jakinarazi eta zuri egokitutako aukerak eskainiko dizkizugu. Jatetxeek haurrentzako aulkiak dituzte.

 

Entzungela

Gurpil-aulkiei eta begizta magnetikoei erreserbatutako lekua dute.

Igogailuak

Zabalak direnez, solairuen artean erosotasun handiz mugitu daiteke.

ARRETA INTEGRATUA

Informazio gunetik eskaini ahal izango zaizkizu, behar izanez gero, sarreren salmenta, arropazaindegi eta entzuteko gida zerbitzuak.

 

INFORMAZIO OROKORRA

IKASLEEN BISITAK

Zure ikasgelan ikasle integratuak baldin badituzu, bisitaren aurretik jakinarazi, era horretara, bisitaldia behar horietara egokitzeko aukera izango dugu eta. Bisitak edozein motako beharrak dituzten ikasleei egokitzen zaizkie eta hezkuntza-gune guztiak irisgarriak dira. Informazioa eta erreserbak astelehenetik ostiralera, 09:00etatik 14:00etara, 944 359 090 telefonoan, 944 359 010 faxaren bidez edo información@guggenheim-bilbao.es helbidean.

HELDUAK

Behar anitzak dituzten pertsonei zuzendutako bisita gidatuak eskaintzen dira:

· Zeinu-hizkuntzako interpretea duten bisita gidatuak gorrentzat.
· Ezintasun intelektuala duten pertsonei zuzendutako bisitak.
· Ukimen-bisitak itsuentzat.

Informazioa eta erreserbak astelehenetik ostiralera, 09:00etatik 14:00etara, 44 359 090 telefonoan, 944 359 010 faxaren bidez edo información@guggenheim-bilbao.es helbidean.

OHARRAK

Museoak ez du bisitarientzako aparkalekurik; nolanahi ere, erraza da bertaratzea, eta tranbiaren bidez museoaren ingururaino iristeko aukera dago.

Zure ibilgailuan etortzea erabakitzen baduzu, udal-aparkalekuak daude inguruetan. Edonola ere, 944 359 080 telefonoan edo información@guggenheim-bilbao.es helbide elektronikoaren bidez harremanetan jar zaitezke eta zure beharren araberako aukera egokiena jakinaraziko dizugu.

ARTELANEN AURKEZPENA

Museo modernoa eta garaikidea izanez, irizpide artistikoei zein kontserbaziokoei jarraitzen diegu halabeharrez. Hori dela eta, gerta liteke argiztapen, seinaleztapen eta distantzia parametroek aretoen barrualdeko erabateko ikusgarritasunean eragitea. Era berean, artelan bakoitzaren ezaugarri bereziek borondate artistiko bati jarraitzen diote eta hori aldaezina da.

x

Newsletter

Eman izena eta Museoaren berri guztiak jasoko dituzu.

* Derrigorrezkoa

Cargando...

×